Udagoien zorabiagarria!

https://blogger.googleusercontent.com/img/b/R29vZ2xl/AVvXsEjlN-gZXafjA8gGQU2iAeoZoeb0zD8HmWYwAsp2DP_I15vC_nt284hGYKdMN_QGIeqmAa7UDC0kzoz_iEYOPVTZuJ46mDnNbb3hSPVhyphenhyphenJ2KKXGwOi8yL3n-7HQ0a0xpUKgr1mQB/s1600/rusa.jpg


Urria eta azaroa hego haizea gehienetan ibiltzen direneko hilabeteak izaten direla aintzat harturik, esan liteke egunotako elurtetxoa, ez, ez-ohikoa, baina, bai, azken urteotan ahaztuxea genuela. Izan ere, hortxe dugu azaroaren azkenaurreko egunari dagokion "San Andresetan elurra hankazpitan" edo abenduaren hasieran berbabide Bizkai aldean haizeratzen den arotitza: "Iparra, baltza danean baltz; gorri denean gorri; fina izanda be, zakarra". Horrenbestez, aurtengo udazken edo udagoienari izena aldatu beharrean gaude eta behinola mahai-gaineratutako neguberri berba berpiztu behar genuke, antza. Orduko hartan genioen ezen lau urtaro barik sei izan behar liratekeela eta urriaren 21etik abenduaren 21erarteko urte-sasoiari neguberri izendapena ezin hobeto zetorkiola. Datozen egunetan, itxuraz, gure adiskide petral eta donge horrek bisitalditxoa egingo digu. Hego haizea!!!! Denbora laburrean iraungo ahal du!!

Iruzkinak

Hau esan du Inazio erabiltzaileak…
Baina kontuz, Hego haize hau Saharako basamortutik ez da etorriko, horregatik tenperatura epel-epelak izango ditugu eta ez dira hain berotsuak izango.

Ondo izan !!

(Zure blogea oso interresgaria da baina momentuz hitz batzuk ez ditut ondo ulertzen bigarren mailako kurtsoan ikasten ari naizelako.Datorren urtean espero dut zure blogearen idei guztiak ulertzea.Mila esker meteorologiari buruz idazteagatik blog honetan)
17:32
Hau esan du Kepa Diegez erabiltzaileak…
Kaixo Inazio!
arrazoi duzu, depresio sakon bat Portugal aurrean kokatu eta bertatik helduko zaigu haizea Gaztela zeharkatuz eta une honetan Gaztelako gaina ez dago batere bero. Ez horixe! Mila esker zeuri ere saiatzeagatik! Segi bizkor!
17:40
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »