"San Jose loratsu, Marti kakatsu"

http://topweb.gsfc.nasa.gov/art/antartic_pics/weather_conditions/cond_3.jpg

dio arotitzak, beraz, gure asabek hizpide bazeuden, martxoak busti baino bustiagoa izan behar luke, baina ez dirudi horrelakoa izan eta izango denik. Agian, hurrengo asteazkenetik aurrera edo osteguneko ilberriarekin batera aldatzera joko du. Udaberriaren peskizan jardun duen horretan, arotu egin du eta eguraldiak ez dauka inongo gorrotorik. Egunok edonorarokoak dira, noranahi joan eta zernahi egiteko modukoak, alegia. Otsailera bitartean eguraldi gaiztoekin ibili gara, aspaldion, halere, oneratu egin zaigu, eguaro ederra ekarri du: sarri askotan agertu izan du goiz ona zeruak. Hori zer ote da, aro ona ala txarra? Inork sumatzen ote du euriaren hutsa? Nik neuk, bai. Bustia bizi dut, alajaina!

Iruzkinak

Hau esan du Anonimoa erabiltzaileak…
Neuk be euriaren falta sumatzen dot. Zer egingotsat anfibioa banaz? Ganera ura da bigarren osagai ezinbestekoa geurea larre berdedun herrialde berdea izaten segitzeko. Neuk behintzat geure Herria berdea izaten segitzea nahi dot.
22:22
Hau esan du Kepa Diegez erabiltzaileak…
Aupa, Patxi! Bai, ba! Neu bere zure moduan nabil, burugaina bustita eukin behar dot, ostantzien... Hiru egunean ateri... urduri paretan naz.
10:35
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »