Hirugarren ilberrian elurra ostera ere

http://blogs.ya.com/aquihaytomateysal/files/BUSCANDO_MOCOS.jpg

Horixe baietz! Motz eta laburrean bada ere, biharko ilberriak elur-erauntsitxoa ekarri digu urriko atsotitza bete ahal izan dadin: urriko ilberrian elurra, azarokoan elurra eta abendukoan ere bai. Orpoz orpo jarraitzen diogu atsotitzari; "Urriko ilberrian elurra zuritzen badu, ondorengo zazpi hilberrietan seguru zurituko du". Espero genuen bezalaxe negua sartzeaz bateratsu nolabaiteko egonkortasuna heldu eta oskarbitxo iraun du zenbait egunean. Goiz batzuetan mukiak gogortzerainoko hotza egin izan du, baina eutsi egin diogu. Olentzaroren arratseko haizeak ipar-ekialdetik jo zigun, beraz hurrengo hilabeteak hotzak eta ateriak izango ote dira? Gogoratu atsotitza: Olentzaro arratseko haizeak berrogei edo hiru illabete(a)n segitzen du

Iruzkinak

Hau esan du bego erabiltzaileak…
Aspaldiko Kepa,
berriz ere agertu zara taupaka eta eskularruak kendu ezinik jarraitu beharko dugula esateko. Bai ezta?
Bada, besterik ez badago, hori egingo dugu.
espero dut olentzaro hain hotza ez izatea zurekin, ondo portatu zara eta ezta?
Bueno, ondo izan eta aprobetxatu oporrak. Hurrengora arte.
Bego
19:51
Hau esan du Kepa Diegez erabiltzaileak…
Aupaldiko, Bego!
Tita, tira, egunotan hobeto hego haizea, lagun, e? Olentzaro on askoa izan da nirekein, gaizto-gaizto portatu arren (kar, kar, kar...)
Ondo ibili!
20:58
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »