Eguzkia eta Ura

http://sakkarah.blogia.com/upload/20061208221451-luar2qm.jpg
Ez dakit gaur San Juan gaua behar bezala ospatzerik izango dugunetz. Aro-iragarpen magikoen arabera, baliteke arrastirian sua piztu baino lehen erauntsi handi samarrek erasan diezaguten... Piztu ezean, berdin dio. Izan ere, San Juan egunaren gaineko guztiak ez daude suari loturik, ez; urak ere badauka zer ikusi eta zer esan eta nor bustirik. Izan ere, oraindik Euskal Herriko bazter batzuetan urari suari besteko garrantzia ematen diote eta horrek adierazten du horrelako ekanduak antzina-antzinakoak direla. Hainbat eremutan gertatu den bezalaxe, Kristautasunak usadio "paganoak" ezabatu nahian, ospakizunok bere egin eta ezarri egin zuen San Juan eguna. Jakina, San Juanek ba omen zeukan loturarik urarekin... Beraz, gaur su-metaren gainetik jauzi egin ezinik ibiliz gero, baduzue ordezko galantik. Utz iezaiozue euriari zeuen burua goitik behera busti egin dezan eta urte amaiera arte gorputza ez ezik arima ere garbitu-garbiturik izango duzue. A, gauzatxo bat! Gure arbasoak goizaldean arineketan eta iraulka biluzik ibiltzen ei ziren ihintzaz igurzteko. Hainbesterainokorik ez dizuet eskatuko. Ondo pasa!

Iruzkinak

Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »