Katuila epel, epel, epel....!

http://z.about.com/d/paranormal/1/0/G/T/giant_cat.jpg

Mahuka hutsean ez naiz ibili gaur, gero! Otsailak zorospea erabat bereganatuta, bai alajaina! Gure estazio meteorologikoan 22ºC ikusi ez ditut ba! Harrigarria? Ez, ba! Usu gertatzen da, ezta? inoiz sutondoan, inoiz eguzkitan. Mutur batetik bestera ibiltzen zaigu katuila. Bai, irakurleok, otsaila katuen hilabetea ere bada, inondik ere! Gogora dezagun orain hiru urte zer zioskun Elorrioko Markel Irizarrek:




"Elorrion 'katuil' esaten zaio otsailari baserri giroan. Eta arrazoia bistakoa da. Edo hobeto belarrikoa: katu emeak arreske jartzen dira bereziki hilabete honetan. Baserriratu berritan pentsatzen genuen haur txikien negarrak zirela, hain dira zirraragarriak. Apirila edo maiatzean jaiotzen dira katuilaren ondorioak".


Eta berarekin bat eginez katua aipatzen dute atsotitzen berri emango dugu jarraian:

Otsaila katuen hila, maiatza astoen hila.

Otsaila emazteen eta katuen hila; martia gizonena.

Otsaila, katuen hila.

Otsaila, zakur eta katuen hilabetea.

Otsailean katuak ausartak.

Otsailean katuak harro.

Otsailean katuak be arrain eske.



Iruzkinak

Hau esan du Anonimoa erabiltzaileak…
Bai, zelako zeru urdinak! Ba nire estazio meteorologiko zoragarrian 21º zeuden, Kepa! Nolanahi ere, biziki eskertzekoa egunotako eguzkia.
Jaso al duzu esapiderik "otsailarekin ez dela fidatu behar" adierazteko?

Kristina.
21:21
Hau esan du Kepa Diegez erabiltzaileak…
Aupa, Kristina! Ze, ondo dabilkizu estazioa? Otsailarekin beti ibili behar da kontuz edo zuk ondo asko dakizunez, kasu otsailari. Honako hau erakusgarri izan liteke:

"Jondoni Martinez iguzki, kasu gero otsailari"
12:36
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »