Urtarrila bero...

“http://www.yunphoto.net/mid/yun_486.jpg” irudia ezin da bistaratu, akatsak dituelako.

zinkurinak gero... diosku atsotitzak. Egun batzuetan nagiak alferrik galduta ibili ondoren, urte berriak indar handiagoa eman behar liguke idazteko. Badakizue, zenbat eta astitsuago egon, orduan eta gauza gutxiago... Zer egingo diogu, ba! Bai, horixe baietz, hego-mendebala eta haren aldaera guzti-guztiak nagusitu zaizkigu egunotan, hozberoa 21 gradutaraino iritsi delarik! Epel baino epelago egon ginen atzo eguzki goxotan bazkaldu aurretik ahobizarra kentzekoa hartzen. Maiatza zirudien urtarrilaren 6ak. Hura gozamena! Ordainik izango ote dugu aurki? Hotzaldirik etorriko zaigu? Irrikan gaudeken elurtetxoren batek erasango digu? Iaz lehen elurte sendo samarra urtarrilaren hirugarren astean heldu zitzaigun. Aurten, noizko?


Iruzkinak

Hau esan du Anonimoa erabiltzaileak…
Asteburuan bai, alderdi honetan maiatzean geundela ematen zuen, ze ondo itsas bazterran, eta parkeetan, kirola egiten!!, zenbat eskertzen den, ezta, isilpeko bisitariak?
Agian lurrra lantzen dutenei galdetu beharko genieke ea eurentzako zelan datorkien honelako eguratsa. Kepa, normala al da urtarrilean horrela ibiltzea?
Zinkurinak berehala ikusiko ditugula? Ia ba, zeruei begiratuko diegu, baita kanpandorreei ere. Ez dakit urtarrilean elurrik botako duen edo ez, baina eskuartean dudan ASTRO-STATION zoragarria egunero zainduko dut, ea zer dioen. Eskerrik asko, Kepa!


K.
19:43
Hau esan du Erramun Gerrikagoitia erabiltzaileak…
Esan duzu Kepa, edo skribitu:

Epel baino epelago egon ginen atzo eguzki goxotan ahobizarra kentzekoa hartzen bazkaldu aurretik

Nik hor ulertzen dut hau

Epel baino epelago egon ginen atzo eguzki goxotan [[ahobizarra kentzekoa hartzen]] bazkaldu aurretik

Baina zer da hori zein ez bait dut ulertzen delako kortxete barrukoa, delako

... ahobizarra kentzekoa hartzen ...

Zer da ahobizarra kentzekoa edo kentzeko ahobizarra?

Nolanahi barruko eten barik agian hobetoxe eta subordinatua subordinaturik.

Epel baino epelago egon ginen atzo eguzki goxotan bazkaldu aurretik ahobizarra kentzekoa hartzen.

Niri izango zaidana argigarri izango al da ere berdin argigarri besterentzat. Izan zu ondo Kepa eta gainerako guziok.

Atheneta, Grezia.
10:05
Hau esan du Kepa Diegez erabiltzaileak…
Ados, Erramun, hobeto ulertzen da zuk proposatutako ordena.
"Ahobizarra kendu" = bazkaldu aurretik hartzen den aperitiboa edo...
Mila esker eta ondo izan!
12:48
Hau esan du Erramun Gerrikagoitia erabiltzaileak…
Susmoa izan nuen bai, baina ez nengoen ziur zeren ez dut ezagutzen eta ez dut entzun inoiz, zela eta behar zuela izan zeozer antzekoa hon hamaiketakoa edo ahamena, mokadua edo horrelatsukoa.

Uste dut, eta ez hartu maisukeriatzat, ze da arras importantea linealki redaktatzea. Nire ustez hori da egun euskarak duen handicap handiena.

Zu, eta zuek, ondo segitu, ni hor Nafarroan naizateke datorren astean, baina ez luzerako zeren laster batean dut aldegingo urrun.

Patra, Grezia.
16:04
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »