Olentzaro arratseko haizeak berrogei edo hiru illabete(a)n segitzen du

http://www.euskaraz.net/Kultura/BeldurrezkoAstea/BeldurrezkoAstea05/08/BeldurrezkoAstea16_Olentzero.jpg

Egun xelebrea gaurkoa, Olentzaroren eguna ez ezik ilbetea ere bada, alajaina! Ezer esan nahi izango ote digu horrek? Bat egiteak onik ekarriko ote digu? Baiezkoan nauzue. Ez dira halabeharrez gertatzen diren kontuak. Zerbait magikoa sumatzen dut honetan guztian. Arazo potolo samarra izango du gaur gauean Olentzarok. Ilargitan zeharo ikusgarria izango zaigu, hortaz, goiz baino goizago oheratu beharko ditugu txikitoak, begiztatuko ez badute, bai horixe! Onak izan zarete 2007. urtean? Ongi ala gaizki samar jokatu duzue aurten? Zer uste duzue? Ongi, ezta? Bada, gutxienez opari bana izango dugu, ezta? Iragarpenen arabera, arratseko haizeak hego-ekialdetik joko digu, antza eta atsotitzak hiru hilabetean iraungo duela dioenez gero.... neguak ateri eta epel antzean jardungo ote digu? Geroak errranen!

Iruzkinak

Hau esan du Anonimoa erabiltzaileak…
21ean ere Bilbon oso ilargi ederra ikusten zen. Oso kolore argitsua zeukan, oso polita.


K.
15:46
Hau esan du Anonimoa erabiltzaileak…
Eguberrion guztioi!
Itxura onetik zebilek bai, Kepa. Punta batetik ibiliko ez bada be, ze azkenean, ilargiaren 3 kosketatik bat izaten duk bestelakoa. Baina, antza, negu itxurazkoa abisatzen ziguk bai koarta-tenporen martxak eta, horren barruan, baita 'Olentzaro' egunak berak ere. Nolako arratsa: zoragarria! 70en bat ibili gaituk Arantzazuko errondatxoa egiten, kanta ta kanta. Lau esku-soinu, panderoak hiru, eta abesteko esan dudana, 60tik gora, 70 inguru denera. Ederra gaurkoa!
Jarraitu dizuet sariketarena. Pentsatu ere bai, zer esango ote dugun edo zain egongo dituk, eta ea jenderik sartzen den... eta baita agertu ere. Oso ondo, Kepa! Prestatu horrelako edo antzerakoak. Eta hurrengoan, saria ez dadila izan errepikatua, alegia, ez dadila irten Kristinarentzako (hala balitz, errepikatu, beste bati tokatu arte... ezta?). Bueno, ea noiz hartzen dugun tartetxoren bat elkartu eta kontu pare bat haizatzeko...
pellozabala
19:06
Hau esan du Kepa Diegez erabiltzaileak…
Baita hiri ere!
Benetan dinoat, Pello, "esku inuxente" batek hartu zian Kristinari zegokion zenbakia. Ez zuan "lapikokada"-rik izan. Hala ere, neure artean pentsatu nian Kristinak merezi zuela gehien, ezta?
12:47
Hau esan du Anonimoa erabiltzaileak…
Hara, nik gehien merezi? Ez ba! Tomaxek eta isilpeko bisitariek, nik uste, erdi-erdi-bana.
"ASTRO STATION", tira, izen elegantea eta deigarria, argazkian behintzat, izarretara eramango ote nau? Urtarrilean geratuko gara, orduan hurbilagotik ikusi eta probatuko dut...

2008ak gauza polit asko eta hamaika sorpresa gordeta eduki ditzala guretzat, muxu eta besarkada handi birtual bat (bereziki isilpeko bisitarientzat).


K.
11:42
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »