Durangon elkartuko?

“http://photos1.blogger.com/x/blogger/260/479/1600/372167/PIC_0002.jpg” irudia ezin da bistaratu, akatsak dituelako.


Blog honen irakurle ageriko zein ezkutuko zareten horiei gogorarazi behar dizuet ezen bi aste barru Durangoko azoka izanda, iaz ezarri genuen tradizioari jarraipena eman geniezaiokeela, hau da, elkartu, zerbait hartu eta zertaz eta mintzatu, EGURALDIAZ, jakina! Irakurle baten iradokizunei jarraiki gure artekoaren nondik norakoa hauxe izan liteke:

  • Aro-Hamaiketakoa (Tomax, zeozer ekarriko ala txanda-pasa egingo duk?) edo dena delakoa abenduaren 7an goizeko 11.00etan.
  • Beste barik, aroaz edo eguraldiaz mintzatu, ortziari so egin eta abar
  • edota Blogarekikoak
    • zer atsegin duzuen
    • zer hobetuko zenuketen: iradokizunak
    • zer ikasi duzuen
Zeuk ikusi zer nahiago duzuen. Ez dadila inor kikildu! Edozein burutazio, ideia edo sugerentzia onartzen da. Iazkook huts ez egitea espero dut: Kristina, Tomax, Erramun eta hi, Pello, zelan habil aurten?

Iruzkinak

Hau esan du Anonimoa erabiltzaileak…
Oraingoz, ahal izatea espero dudanez, seinalatu dut egutegian 7koa. Hurrengo egunean joan beharrean naiz baina, bariku goizeko hori betetzen saiatuko naz.
pellozabala
20:15
Hau esan du Anonimoa erabiltzaileak…
Kepa, ez dizut agintzen seguru baina saiatuko naiz joaten.

Tomax.
10:01
Hau esan du Anonimoa erabiltzaileak…
(Tomax, aspaldiko! Muxu bat. hemen gaude, ahal duguna egiten, pixkanaka-pixkanaka. Zelan zabiltza?)
Aukeratu zuek eguna, nigatik, zuek erabakitzen duzuena ederto. Ostiral goizean egitekoak dauzkat, baina hori aukeratzen baduzue, saiatuko naiz minutu batzuez edo eskapatzen. Dena den, lasai egon nahiko nuke zuekin (ahal den neurrian, denok ditugulako gauzak egiteko, kuntre!), eta beste egun bat bada, agian hobe. Ia, begiratu agendak. Eta zuek, isilpeko bisitariak, ikusiko al zaituztegu, agurtzeko behintzat? ANIMATU! Ni ere joango naiz!! (barrea)


K.
21:40
Hau esan du Anonimoa erabiltzaileak…
Kepa! Zergatik jarri duzu argazkia?? Ze lotsaaa! Jope, pentsatzen nuen paperontzian edo dimentsio galduren bateko orbitan egongo zela...(barrea) Ai, nire poltso larrosa maitea...bere zerbitzua finki egin zuen jadanik...hori bai dagoela auskalo non...
Aizu, Kepa, Getxoko euskaldunen dokumental horren berria hementxe jartzerik izango al duzu? Agian baten bati interesatuko zaio.


K.
21:44
Hau esan du Kepa Diegez erabiltzaileak…
Kaixo, guztioi!
Azken unean plan aldaketa. Ostiralean, familia-kontu bat dela-eta BIHAR, abenduak 6, joango naiz Azokara. Inor izango da 11k aldean PLATERUENAN?
17:10
Hau esan du Anonimoa erabiltzaileak…
Blog-administratzaileak iruzkina kendu du.
20:03
Hau esan du Anonimoa erabiltzaileak…
Kepa, azoka amaitzen denean kendu nire azken mezu hori, e? Ez dut nahi inork nitaz ideia okerra hartzea nahi, telefonoa emateagatik, diot. (barrrea)


K.
21:30
Hau esan du Kepa Diegez erabiltzaileak…
Zure desioak aginduak dira niretzat, K, kar, kar, kar... Ze, azkeenan inorekin topo egin duzu?
10:40
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »