Igarkizuna

“http://gnappetta.files.wordpress.com/2007/03/n-nervioso.jpg” irudia ezin da bistaratu, akatsak dituelako.

Udazken bete-betean gara eta urtero legez, huts eta kale egin gabe pasa den hilabetearen hondarretik gupida, erruki eta urrikalmendu barik inarrosten gaitu gogoa eta aldartea bilakatzeraino. Honezkero jakingo duzue nortaz dihardudan, ezta? Bai!! Horixe bera!! Tirria diot eta ezin dut plantarik egin. Neure onetik ateratzen nau sutan jartzeraino, Ez dezaket eraman! Hel niri! Arren, badakizue zein den eta zein izendapen daukan Bizkai aldean hilabete honetan, adieraz ezazue hementxe bertan. Aldez aurretik eskerrak emanez, "delako" horrek ganbara pitzaturik daukadan honek agurtzen zaituztet.

Iruzkinak

Hau esan du Patxi erabiltzaileak…
"iratzargailua" esatera nijoan, baina errezago da "zarrazoia" izatea.

Nik ote daukat arrazoia?
17:12
Hau esan du Kepa Diegez erabiltzaileak…
Aupa, Patxi:
hotz, hotz...
17:19
Hau esan du Anonimoa erabiltzaileak…
Hego haizea?
12:05
Hau esan du Kepa Diegez erabiltzaileak…
Horixe baietz!
Nor zara? Aukerarik egonez gero, saritzat zerbait hartzera gonbidatuko zaitut.
22:29
Hau esan du Anonimoa erabiltzaileak…
E, horrek ez du balio! Idazteko aukerarik izan ez dugunok, zer, Kepa? Nik ere gonbidapen horretara joan nahi dut!


K.
16:08
Hau esan du Anonimoa erabiltzaileak…
Kristina, ni saiatu nintzen 4 bider 'hego-haizea' ipintzen. Eta ezin sartu. Azkenean, ez dakit nireetako bat den edo besteren bat den. Nola banenkien Kepari haize malapartatu horrek neuronak saltatzen dizkiola!
pellozabala
22:14
Hau esan du Kepa Diegez erabiltzaileak…
Ez zarete hasiko orain "jeloskor" jartzen, ezta? Durangoko Azokara berriz ere biltzen bagara, bertan izango duzue aukera nik gonbidatzeko.
Akort?
12:45
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »