Egun langar-zirimiritsua...

“http://www.theartgallery.com.au/ArtEducation/greatartists/Renoir/umbrellas/umbrellas.jpg” irudia ezin da bistaratu, akatsak dituelako.

...atzokoa, alajaina! Nork esan ote du horrelako euri mota galduta dugula Euskal Herrian? Goizean goizetik mendebaldetik heldu zitzaigun koskatxoak eragin zuen etengabe euri xehe-xehea. Aspaldiko partez! Sarri askotan aipatu izan dugu berton horrelako euria. Beraz, ez dirudi esaten duten bezain deagertuta dagoenik, ezta? Hamaikatxo izendapenen berri ere eman dugu eta plazaratu gaberik agertaraztea gaitza ematen badu ere, gure "atotiztegian" miatu eta hauxe duzue ahogozagarri: garasta. Azkuek jaso omen zuen Oñatin. Osagaiei dagokienez, litekeena da garo + -sta (txikigarria) izatea, ezta? Izan ere, Bizkai aldean (euri) garoa entzutea ez da arraroa izaten: "Garoa, ez bakarrik iruntz-urari, baita euri lanbroari edo, gorriña-euriari bere esaten jako. Euskalzale, 1897".




Iruzkinak

Hau esan du Anonimoa erabiltzaileak…
Kaixo lagunak, eta isilpeko bisitariak (m...gurera inguratuko al zarete abenduan Durangora?) !Kafetxoa hartuko dugu eta askatuko zaituztegu...benetan!

Tira.

Euri mota hori hain sarri agian ez dugulako izan daiteke, baina, hala ere, nik ez dut aldaketa handirik ikusten hemengo eguraldian. Nekazariei, lurrari eta eguratsaren gora-beherei atxikita bizi direnek, ordea, batzuetan bestelakorik esaten omen dute, "herria dixit".
Aurreko batean, Oi, Pello, zure Arantzazun egon nintzen [bai etxe polita daukazuena!], ikastaro batean, eta euri hau eta laino tinkoa ere izan genuen, goizetik arratsaldea arte. Ez genuen ikusi eguzkirik, baina hori bai, horrek ez du esan nahi ez zenik atera, egon, hortxe ziur zegoela, hodeien artean, gurekin ku-ku-tan jolasten!
"Garosta" Aturrin ez dut jaso. Beste inon jaso al duzu, Kepa? "Garo-ztea", zelan? Zoroegia?


K.
20:51
Hau esan du Anonimoa erabiltzaileak…
Oraingoan jarri diguzun irudia pilo bat gustatzen zait! Lehen planoko neskak arreta deitu, eta ez naiz, ba, berari begira geratu, eta ondoren, margo guztiari? Ez naiz artean aditua, dena den...


K.
20:57
Hau esan du Kepa Diegez erabiltzaileak…
Kaixo, Kristina!
Ba, ez. Garasta ez dut beste inon jaso, baina azaldu dudan moduan "garoa" arrunt samarra da Bizkai aldean zirimiria adierazteko. Bestalde pozten naiz koadroa gustatu izanaz. Kristoren indarra dauka neskatilak, eh? Renoir maisua zen.
22:45
Hau esan du Kepa Diegez erabiltzaileak…
Ah! Durangoko kafea, jakina!!
22:45
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »