Berben lilura

http://www.kultura.ejgv.euskadi.net/r46-4874/eu/contenidos/informacion/ardoaren_arrainaren_ibilbidea/eu_ibilbide/images/merkatua_2.jpg

Gaur egun jende ugarik hitz egin eta idazten du hizkuntzari buruz, baina guztiok ez gatoz bat beraren funtzionamenduan. Aditu batzuek pentsatzen dute mintzatzeko giza gaitasuna ordenagailua bezalatsukoa dela; beste batzuek, aldiz, uste dute mintzaira beste pertsona batzuei egiten dieguna dela, liburu bat ematea edo bostekoa ekartzea bezalaxe. Gure iduriz, hizkuntza buru-iruditerian erabiltzen den berba-sinboloen jolasa da. Zer da buru-iruditeria? Adimenaren begiarekin ikusten duguna, baina intxaur baten zaporea, euripean ibiltzearen sentipena edo Ruper Ordorikaren ene begiek kanta ere bada. Irudikatzen duguna pertzepzio-era guztien bidez eskuraturiko esperientzia guztietan tinkaturik dago, eta gainera, berbak erabiltzen ditugu hitz egiteko. Horregatik nire langaiak berbak dira eta bereziki aroitzak. Gaur goizeon, Gernikan hamaika taloren usainpean eta euri lardatsa ziharduela, ikasle batek zera galdetu dit: "aizu eta euri mota honi nola deitzen zaio?" Eta nik: "Ea, asmatu berba bat egoera honetarako". Eta berak: "talo-euria", hau da, azoka bat egiten den bakoitzean egiten duen euria.

Iruzkinak

Hau esan du Patxi erabiltzaileak…
Ederra!
02:51
Hau esan du Kepa Diegez erabiltzaileak…
1000 esker!
23:10
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »