Autonoa eta setemea

“http://www.euskaraz.net/Hezkuntza/Egutegia/Egutegia2005/09iraila/09iraila.jpg” irudia ezin da bistaratu, akatsak dituelako.

Irail izen ofizialduari irizteko dauzkagun izendapenen artetik bi mailegu gailentzen dira ertzetako euskalkietan: bata, setemea, Zuberoa aldean, eta bestea, autonoa, Bizkaiko mendebaldean, Getxon, hain zuzen ere. Azken honek zer pentsatu franko eman dit aspaldion. Itxura denez, zuzen eta artez latinetik bereganatu zuten behinolako hiztun bizkaitarrek eta badirudi ez zuela beste zantzurik utzi, ez Bizkaiko beste hizkera batzuetan, ez gainerako euskalkietan. Latinezko autumnu(m) akusatibotik bide dator eta bertatik datozen beste berba batzuekin gertatzen den bezala, bilakaera fonetikoa ondoko erdaretan bezain handia ez da izan. Adibidez, gaztelaniaz, otoño; galegoz eta portugesez, outono; italieraz, autunno; errumanieraz, toamna; frantsesez, autonne... Horietan guztietan urtaroa izendatzeko, getxoeraz ez bezala. Beraz, erromatartzearen lorratzak aztarna arkeologikoetan ez eze, gure berbetetan ere aurkitzekoak dira.

Iruzkinak

Hau esan du Erramun Gerrikagoitia erabiltzaileak…
Horrek erakusten deusku ze euskarak (eta ere beste edozein hizkuntzak, eta ere entitatek) noiz kontaktua izan du beste hizkuntzekin -kasu hontan latina- izan du relationerik eta hartuemona.

Orduko hartuemona hartzen da, erezten deutsogu nahiko normala baina gaurregungoa aitzitk, influentziak kin gaztelera, frantzesa edo inglesa hartzen dira barbarismotzat. Txartzat hartzen dira, baina zergatik hori prinzipioz?

Interrelationea ez da kaltegarria prinzipioz baizik da prinzipioz positivoa eta ona.
11:45
Hau esan du Kepa Diegez erabiltzaileak…
Arrazoi duzu, Erramun, nire ustez, gehienetan hizkuntza aberastu egiten du.
15:20
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »