Adarra

“http://www.sheep101.info/Images/Breeds/NorfolkHorn2.jpg” irudia ezin da bistaratu, akatsak dituelako.


Adar berba emankor-emankorra dugu euskaraz. Jatorrizko esanguratik abiaturik euskaldun jendakiak hainbat irudi sortu ditu: lantegiko sirenotsak jotzen duenez geroztik, ostera ere jo arte lan egiten badugu, adarretik adarrera jarduten dugula esango dugu; egun guztian erdi galduta eta enteratzen ez naizela bizi banaiz, esango didate ilargiaren adar puntan bizi naizela; txorakeria galantak edo xelebrekeriak egiten dituenari euskaldun jator eta prestu batek beste bati adar bat falta duela esango dio; gure adiskideren bati bihurri eta petraltxoa baldin bada, akerraren adarrak baino okerragoa dela esango diogu; ildo beretik, norbaitez ari bagara eta gogor-gogorra dela adieraztekotan, esango dugu akerraren adarra baino gogorragoa dela hori; bart, adibidez, goian behean hasi zuen euria, ibaika, bada, kasu horretan adarka ari zuela esan genezakeen; azkenik, ez pentsa hau adar-jotze hutsa izan denik!

Iruzkinak

Hau esan du Anonimoa erabiltzaileak…
Aupa lagunak eta isilpeko bisitariak,

Kepa, ez atzendu Bardozeko [mmm...] "adar airia"; Azkueko zita jarriko al diguzu, mesedez? Nik ez dut eskura. Bide batez, galdezkaturiko Bardozeko hiztun batzuek gogoratzen dutela esango dut. Zuk beste inon topatu al duzu?

p.s.1: zure artikulua irakurtzen ari naiz, Uztarokoa, oso mamitsua, jo!

p.s.2: a! "adar airia" zer den ba al dakizue? Ea nork asmatzen duen! Erantzuna, hurrengo post-ean!


K.
21:14
Hau esan du Anonimoa erabiltzaileak…
"Adar" hitza fonetiko-fonologikoki ere interesgarria da.


K.
21:16
Hau esan du Kepa Diegez erabiltzaileak…
Kristina, beti talaian! Jakina, hauxe duzue aipamena:

adar-aire: Dasconaguerre. BN. "Tempestad"
adarraira: Lhande. BN."Tempestad"

Bihar. "adar"ri buruz kontu gehiago...
22:04
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »