Maiatza, erdia hotzak hil eta beste erdia beroak erre

http://www.babyonweb.com/canale_Libri/immagini/dott_jakil/Jekill_2.jpg

Lorailean mutur batetik bestera ibili ohi garelakoa ziur baino ziurragoa da. Atsotiztegiak nekez egiten digu kale. Larri ibili! Aurpegi eta begitarte bikoa da zubi-lanak egiten dizkigun hilabete hau: gaur bero, bihar fresko (hotz?), etzi hotz-beroa! Anbiguotasunez zipriztindurikoa da maiatza, argi-iluna, gazi-gozoa, gozo-garratza, hyde-jekyllkoia... Gaitza da nora joko duen antzematea. Horra hor, lehen eguneko triskantza Lapurdi eta Nafarroan; asteburuko aroa tamanaikoa izan da eguzki eta beroaren zaleentzat... Guziarekin ere, ez dirudi aste hau hain argi-itzaltsua izango denik. Ez. horixe! Azore uharteetako antizikloiak nagitsu dabilkigunez, zirkinik egin gabe jardungo du eta beraren eskuinaldetik ipar-mendebaldetiko haizetxoak lerratuko zaizkigu, nonbait. Aukeran, horixe nahiago.

Iruzkinak

Hau esan du Anonimoa erabiltzaileak…
Asteburuan zer giro, beraz?
15:51
Hau esan du Kepa Diegez erabiltzaileak…
Kaixo, Aritz eta ongi etorri EtnoMet-era. Badakizu, EHan lau egunetik gorako iragarpenek ezer gutxi balio dute eta ni ez nauzu aditua, baina atsotitzari erreparatu eta ze nagitsu dabilen antizikloia ikusita, lepoa egingo nuke fresko eta agian, euritxoren bat edo beste balitekeela egitea.
16:13
Hau esan du Anonimoa erabiltzaileak…
Bai, lorailean gabiltza, alergia dugunontzako oso txarra!.

Iparraldeko leku batzuetan ere udaberri sasoi honen alderdi bi horiek nabarmentzen dira.

Zeanurin (uste dut) txikitan entzun nuela "apirila/maiatza gezurti, ura ez bada, eguzki" edo antzeko zerbait.


K.
17:11
Hau esan du Kepa Diegez erabiltzaileak…
Berkaixo, Kristina:
Hori ere "badatxekio" maiatzari, alajaina! Oso polita.
Zain ezazu zeure burua!
19:10
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »