Eguzkiz beterik ere, apirila marrantemaile

http://www.vivircondiabetes.com/diabetes/images/people/sickness.jpg

Behin opor luzexkok amaiturik, ostera ere badator EtnoMet bere ohiko jardunari loturik. Ezeri ekin baino lehen, duela zenbait aste txertaturiko berrikuntzen gainean jarriko zaituzte: batetik, "EtnoAroa" kendu eta horren ordez "Aroaren berbaroak" ezarri. Zer dela-eta? Blog honen funtsa berbetan datzanez, egokiago iritzi diot hitz-jolas hori ipintzeari. Badakizue "berbaro" elea Mendebaldeko euskaran berben hotsak direla. Hori dela-eta, neure ikuspegitik estu-estuki uztarturik sumatzen ditut aroa eta berbak; bestetik, barne-biltzaile berria txertatu dut berton ageri izandako edozein ele aurkitu ahal izateko; azkenik, gure kulturan hain garrantzizkoa den ilargia gora eta behera ikusteko aukera duzue ilargialdiak osatzekotan. Berrikuntzok aipaturik, izenburuan duzuen atsotitzari helduta, kontuz ibili egunotako eguzkiarekin, lagun bat baino gehiago dut eguzkitasunak jota ohean. Hortaz, ohiko moduan euskaldunaren ikuspegi bikoitzarekin egiten dugu topo, euria euri eta eguzkia eguzki, aieneka eta kexaka sarri!

Iruzkinak

Hau esan du Carmen Griss erabiltzaileak…
Disculpa Kepa...

Este comentario tiene relacion con tu post "Otsailean, hobe lorerik ez", del 21 de febrero de este año, en la que usas una foto mía de unas margaritas, y en la que no me citas y apareces como autor al final del post.

Me parece encantador que te guste mi foto, pero no citas la procedencia de la misma. Unicamente quería que supieses que esa foto la hice yo hace año y pico, y es de una maceta que aún conservo.
Soy Carmen, de Barcelona, y también tengo blog, y que la autora (no del texto) de la foto, soy yo.

http://www.griss.net
11:49
Hau esan du Carmen Griss erabiltzaileak…
Por cierto, te paso un link en el que se detallan las condiciones y derechos de uso del contenido de mi blog. Otro saludo

Carmen

http://creativecommons.org/licenses/by-nc-nd/2.5/es/legalcode.eu
12:06
Hau esan du Kepa Diegez erabiltzaileak…
Hola, Carmen:
perdona por no haber citado la procedencia y gracias por tu foto. Ahora mismo pongo el link. Mi blog es sobre meteorología y léxico popular del tiempo.
14:43
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »