Txingor haize bihurria

http://www.yfolire.net/img/sais/natur/grele.jpg

Gaur Meteorologiaren eguna izanda, aroak beste bidezidor batera jo du; badirudi nortak oraingoz utzi eta haize epelxeagoak hasiko zaizkigula dantzan. Nabarmen epeldu du, gero! Dakizuenez, urtero martxoaren 23an ospatzen da Meteorologiaren eguna eta bi urterik behin gaiak jorratzen omen dituztenez, 2007-2009ko bi urtekoan helduko diotena "Polo aldeko meteorologia: nola eragiten dion Lurrari ulertzea" deritzona izango da. Lehengo aldian esan bezala, San Joseko ilberriak apirilaren 2ra arteko aro-ziklo umela ekarri digu, Aste Santua hasi baino lehenxeagora arte, hain zuzen ere. Orain txarretik egiten badu, beharbada, gero onetik egingo du, ezta? Antza denez, ipar aldeko haizeek jardungo dute nor baino nor euren sumindura agertzen. Urik ez genuela, ba, oraingoan eutsi! Elurra ez ezik, asteon hainbat tokitan kazkabarrak edo txingorrak ere erasan eta astindu gaitu gupidarik gabe. Hurrengo batean komentatuko dugu zenbat izendapen biltzen dituen bere baitan delako ostagiak. Gaurkoan ipar haizea eta txingorra uztartzen dituen elkarketa baten berri emango dizuet: txingor haizea. Kontatu didatenez, Legazpin eta Urretxun horrelaxe deitzen diote ipar haizeari. Zuzen baino zuzenago daude, alajaina!

Iruzkinak

Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »