Korrika badator, trumoi baten!


Hona hemen goizeon Getxoko Erromo eta Areeta auzoetan barrena egindako "KORRIKAlditxoa". Aroa laguntxo, eta ez arerio, izan dugu, ateri, hozkirritxo eta haizea bare, beraz egoera ezin hobea lasterrari emateko. Hortaz, giro izan dugu alde guztietatik, egurats zein kalearen aldetik. Hango kanta, algara eta txalo zaparradak! Oro har, "korrika" egiteari ekitea beti ez da "koldar"-ren kontua izaten, ez horixe! Nik neuk "korrika" egiteko hiru arrazoi ikusten ditut: lehenengoa, zer edo zer lapurturik, harrapa ez nazaten; bigarrena, ostagiren batek gogotik ekinez gero, aterpean jartzeko eta hirugarrena, KORRIKAn parte hartzeko. Guztietarik azken hau zentzuzkoena delakoa daukat arineketan ibiltzeko, bai horixe!
Eta hemen sakaturik , zure TUBEKORRIKA!!

Iruzkinak

Hau esan du Anonimoa erabiltzaileak…
Aizu, ez kexatu, Kepa! Guk egin genuena gaueko 10:30ean pasa zen, Begoñatik Artxandarako errepidean, aldapan gora, euripean, hoztuta..., ez kexatu (barrea)!
Baina ez zaitut argazki honetan harrapatzen, Kepa, beste bat jarriko al diguzu edo ez duzu fama sobera maite?

[zure blog-eko kodeak "ixarpi" jartzeko diost gakotzat, bai polita, ezta? "ixarpi", ederto euskal hitza izan zitekeen, agian]


Kristina.
20:12
Hau esan du Anonimoa erabiltzaileak…
ia...bustidura, "p" hori, agian...(Iruña-Veleia -mmm...-); agian ene irudimenak sortua, bai...


Kristina
20:23
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »