Negarrari eman nahi dio aroak

“http://www.geocities.com/nowarski3416/getaria/getaria-20040615-7.jpg” irudia ezin da bistaratu, akatsak dituelako.

Atzokoan asteburuko elur malkoak hizpide bagenituen ere, gaurkoan hurreratu zaigun behin behineko bustialditxoari jaramon egin beharko diogu. Malkotik negarrera, izan ere, atzoko oskarbitasuna lainotasuna bestelakotu ez zaigu, bada! Ezbairik gabe, negarrari eman nahi dio eguraldiak eta horretarako laino maskal samarrek berekin dakarten euri kumea hasi du etengabe, oro zipriztinez tindaturik. Horrelaxe esaten omen zaio Getaria aldean euri xehea jarduten duenean, euri kumea. Irudi zoragarria getariarrek sortu dutena! Barrua lasaitzen dit euriak ere kumeak dauzkala jakiteak.

Iruzkinak

Hau esan du Anonimoa erabiltzaileak…
Oso egokia, Kepa, oso ondo ekarria getariarren esamolde hau. Behin baino gehiagotan, zer behin baino gehiagotan, askotan eta askotxotan esan izan dut, gaur bertan ere bai, nire fraile kideon artean, gaur ari zuena ez zela euria. 'Euria hasi dik, e?' 'Egun guztia euritan behar al dugu?'... horrelakoak batak eta besteak eta haruntzagokoak. Kokoteraino nago lanbroa lanbroxka eta beste eurikuma hauek ez direla euri esan eta esan. Alferrik, baina! Eta nazka-nazka egindakoan, hauxe esaten diet: 'Bai, larunbatean gizon jaioberri bat bataiatzea noa'. 'Jaioberria bada, umea izango duk, ez gizona!' Orduan etortzen da esplikazioa. 'Lanbroa ere euri jaioberria duk'. 'Baino busti egiten dik'. 'Noski, ume jaioberriak ere pixa egiten dik, eta bustitzen duena'... Horrelako bialekuetan endreaduta ibiltzen gara sarri.
pellozabala
17:20
Hau esan du Anonimoa erabiltzaileak…
Polita kontatu diguzun gertaera, Pello.

Kepa, "negar" horrekin ez dut ezer bildu, hau da, galdezkatu dudan jendeak, aurreko mezuko "malko" hori hartzen duten gisan eman didate-eta. Getariako "euri kumea"-ri buruz, ez dut ezer bildu, baina nago ez ote beharko litzateken galdetu "euri haur" edo halako zerbait. Izan ere, Euskal Herriko Iparraldeko euskaldunek -eta beti ene datuen arabera- Hegoaldekoen "marker"-tzat -ezaugarri bereizgarri eta difinitzailetzat, alegia- hartzen baitute delako "ume" aldaera, "nik haur bat dut" moduko esapideak gizabanakoekin dituzte erabiltzen; "ume" aldaera, ordea, abereekin. Niri neuri behin baino gehiagotan barre atseginez ziostaten: "izigarria da! haurrendako "ume" ibilten duzii?".


Kristina.
18:31
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »