San Saturnino gaur; tutulundres, bihar San Andres

“http://www.sansaturninomartire.it/fotosant.gif” irudia ezin da bistaratu, akatsak dituelako.

Horixe baietz, San Fermin ez da Iruñeko patroia, San Saturnino baizik, asko eta asko bestelakoan dauden arren.... Eta gaur San Saturnino ez ezik, "San Andres aurrekoa" ere badugu. Santu horren inguruan hamaika atsotitz ez daukagu, bada! Txoko honetan hirugarrenez aipatzen ditugu berarekikoak. Nahi izanez gero, hemen informazio gehiago:

http://etnomet.blogspot.com/2004/11/san-andresetan-elurra-hankazpitan.html
http://etnomet.blogspot.com/2005/11/san-andres-entremes-goizean-azaroa-ta_29.html

Beraz, "San Andres aurreko" honetan Tutulundres, bihar San Andres atsotitza komentatzea suertatu zaigu. Ederra, benetan, tutulundres hori! Nik neuk, ulertu arren, ez dut zorioneko tutulu hori erabiltzen. Harluxet Hiztegi Entziklopedikoak honela dio: "adimenez motela den pertsona, leloa". Elhuyar Hiztegiak, ostera, ematen dizkigun erdarazko ordainak areagokoak bide dira: atontado, -a, alelado, -a, lelo, -a, turulato, -a, zopenco, -a, lerdo, -a, embobado, -a, tonto, -a.
Eta adibidea, bikaina, alajaina! Mundu honetan tutuluak bizi dira ongien: en este mundo los turulatos son los que mejor viven. Ba, ote?

Iruzkinak

Hau esan du Anonimoa erabiltzaileak…
Gaztelerak badu hitz bat "tutulundres" horrek oroitarazi didana: "Atolondrado". Espainiako akademiak definitzen du honela: "Que procede sin reflexión". Eguberrialdi zoro honen atariko aizateko, egokia.

Tomax.

(A, eta Durangoko kafe horretarako jarrita al daude tokia eta ordua? Zuek eskutik).
12:07
Hau esan du Kepa Diegez erabiltzaileak…
Orain arte inork ez du ezer esan, baina ondo legoke ostegunean 11.30etan Plateruenako atean geratzea?
17:00
Hau esan du Anonimoa erabiltzaileak…
Nire aldetik o.k.

Tomax.
13:26
Hau esan du Anonimoa erabiltzaileak…
Ni ere solasalditxora inguratuko naiz.

Kristina.
15:03
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »