Mila esker!

“http://www.tecnofin.com.mx/cleoflor/assets/product_images/SMALL/EL%20AGRADECIMIENTO.jpg” irudia ezin da bistaratu, akatsak dituelako.

Pasa den asteko asteazkenean, azaroak 1, EtnoMetek bigarren urtea bete zuen. Orduko traganarrutik hona zenbatgura kontu jazo dira. Dagoeneko oinez nahiko ondo gabiltza eta berbetaren hasieran bagaude ere, geure kabuz moldatzen hasiak gara. Ohiko eskerronak aipaturik, esan behar dut zuongatik izango ez balitz, egiten dudan ahalegina alferrikakoa izango litzatekeela. Ez-dakit-nola, baina irakurtzen duzun artikuluxka hau 276.a duzu. Idazten oso ohiturik ez nagoen honentzat sekulako marka da. Eskerrik asko, benetan! EtnoMetek eraginik ote daukan neurtzekotan eta ni neu idaztera bultzatzekotan, tramankulutxo bat ezarri nuen blogean joandako maiatzean. Orain arteko estatistikak honako hauek dituzue:


 Gaur Atzo 7 egun
 30 egun
 l
Bisitariak, guztira
 12 38 174 619
Bisitari berriak 7 25 126 442
Itzulitako bisitariak 5 13 48 177
Kargaturiko orriak
 17 51 277 1208


Ni neu, benetan, itzel pozik nago. Mila esker anitz guztioi eta animatu komentarioak egitera!!

Iruzkinak

Hau esan du Erramun Gerrikagoitia erabiltzaileak…
Nire kommentarioa Kepa. Izkiriatzen duzu hau:

Orduko traganarrutik hona zenbatgura ...

Zer esan nahi du horrek traganarru berbeak?
16:26
Hau esan du Kepa Diegez erabiltzaileak…
Hauxe:

Traganarrua euskal kostaldean
Atzo (04-10-31) noizean behin ikusten den fenomenoa gertatu zen itsasaldean, "traganarrua" delakoa, hau da, haize-zurrunbiloa, baina itsasoan. Nik toki batzuetan "tornado" hitza irakurri eta entzun dut, baina euskaraz badira hitzak horrelako fenomenoak adierazteko: "mangera" (Donostialdea), Trabañarro, Traganarru eta Tragarroi (Bizkaiko kostaldean), Tronpa? (Baztan aldean). Zuek nola esaten diezue halakoei?
16:34
Hau esan du Anonimoa erabiltzaileak…
Oso blog ederra da, Kepa, oso etnoresgarria!

Eskerrik asko zeuri!
17:29
Hau esan du Patxi erabiltzaileak…
Patxiren azpian beste Patxi bat, gauza bera esanez: oso etnoresgarria!

Zorionak eta segi holaxe.
20:57
Hau esan du Anonimoa erabiltzaileak…
Zorionak, Kepa. Eta zorionekoak gu, kasik 300 albiste-aurkikuntza-ohar eder irakurtzeko zoria izan dugunok.

Tomax.
17:53
Hau esan du Kepa Diegez erabiltzaileak…
Mila esker, EtnoMet-kideok! Noizko EtnoMet-kideon afaririk?
19:08
Hau esan du Anonimoa erabiltzaileak…
Afariarena nik konplikatu samarra ikusten dut, baina izan liteke kafe bat Durangoko Azokan.

Tomax.
17:41
Hau esan du Kepa Diegez erabiltzaileak…
Bai, errazagoa da, dudarik gabe. Eguna eta ordua ipinita gonbitea luzatu genezake irakurleen artean.
18:36
Hau esan du Anonimoa erabiltzaileak…
Nik ere zuri zorionak, Kepa, eta baita gu guztioi ere, eta inguratuko direnei.

Kristina.
11:51
Hau esan du Anonimoa erabiltzaileak…
Goiko guztiokin bat nator. Kepak dauka meritua, Kepak! Izan ere, eguraldi kontuetaz honelako txoko bat eskura izatea, bendizio handia da (antzina esan ohi zen bezala). Elkarrekin jarduteko aukera ere, eskertzekoa.

Jarrai dezazula holaxe, Kepa. Eutsi! Urte askotarako!

pellozabala
20:18
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »