Negu-aitzin "ofizial"-ean dagoeneko

Joandako larunbatean hasi zuen udazkena ofiziala zela-eta hona hemen Benito Lertxundiren "udazken koloretan" deritzon kanta zoragarria:


Powered by Castpost

UDAZKEN KOLORETAN
Udazken koloretan,
landen lurrinak
zeharkatuz,
hitaz oroit
eta higan nauk.

Zuhaitz biluziaren
gerizpean orpondoa,
orbelaren hilobi,
horiz eta gorriz
dena lokarturik,
dena lokarturik.

Eskuratu hostoa
xume bezain eder,
hain soila bere heriotzean,
zuhaitz guztiaren
bizkortasunez hain betea,
non erortze honen duintasunak
hiri kantatzera naraman.

Berriro zuhaitzari
so natzaiok, kezkaturik ote?...
joate askearen oparotasunean,
betikotasunaren irria zirudik.
irria zirudik.

Gatibu naukan denborak,
bere baitan egositako
ametsetaz isekaz
bailegoan.

Udazken koloretan,
landen lurrinak zeharkatuz,
hitaz oroit eta higan nauk,
hain soil hire heriotzean,
hain xume, adiorik gabeko
partitzean.

Iruzkinak

Hau esan du Anonimoa erabiltzaileak…
Agur Kepa,
zure blog honetan oparitzen diguzun bertsio hau zoragarria da, bai! Baina entzun al duzu Euskadiko Orkestrarekin egin zuen bertsioa "Ahuen Sinfonikoa" deritzon diskoan? Ene ustez, hoberena, lehiatilatik ikusten ohi ditugun zuhaitz eta kolorezko ñabardura horietara guztietara hastapeneko akordeetarik garamatzala iruditzen zait.
12:15
Hau esan du Kepa Diegez erabiltzaileak…
Bai, zoragarriak dira Benitok egindako bertsio sinfonikoak, baina bestea eskurago nuenez gero... Egia da erraz uztarzen dira musika eta irudia.
12:54
Hau esan du Anonimoa erabiltzaileak…
Udazkenari Benito Lertxundik egin dion kantarik ederrena -nire uste harroan- bere gazte denboran burutu zuen: Lizardiren hitzekin atondutako "Oi Lur" hura.

Baina entzutekotan, jatorrizko lehen bertsioa onena, bere tronpa eta guzti. Berrikitan, orkesta sinfonikoarekin egindako bertsioan Kike Ugartek hobetu ez baina hondatu egin zuen "txunp-txunpa" festibalero batekin.

Tomax.
11:30
Hau esan du Anonimoa erabiltzaileak…
Zuzendu nahiko nuke lehenago idatzitakoa, bapatean idazteagatik ez nuelako ondo adierazi esan nahi nuena, berehala konturatu nintzenez, baina orain izan dut aukera ordenadorean idazteko. Hemendik aurrera, ez dut iritzia ezertaz emanen, ikasi dut. Zehaztu nahiko nuke, zerbaitetarako balio badu: "hoberena"-k ez du esan nahi larrazken-udazkenari egindako kantarik ederrena, ezta Ugarteren bertsioaren hobespena. Oso txarto espresatu nintzen.

Erretiratzen dut lehen momentuan idatzitakoa. Barkatzeko eskatzen diot Kepa Diegezi, apalki, bere etnomet-en lerro hauek honetarako hartzeagatik. cencinar001@ikasle.ehu.es.
13:48
Hau esan du Kepa Diegez erabiltzaileak…
"Hemendik aurrera, ez dut iritzia ezertaz emanen, ikasi dut". Aizu, Kristina, iritziak beti iritzi eta zurea besteena bezain errespetagarria da. Segi idazten , faborez!
15:03
Hau esan du Anonimoa erabiltzaileak…
Kristina, ez daukazu zertaz erretiraturik ezer eta are gutxiago inori barkamena eskatu beharrik. Eta mesedez, nik egindako komentarioa ez hartu horrela, tontakeria bat besterik ez zen eta. Interneteko foro eta blogek daukaten arazoetako bat da (irratian gertatzen den bezala) ironia eta bromak askotan ez direla hain ondo pasatzen, idazten duenak gauza bat tonu batean idazten duela eta irakurtzen duen beste batek aldiz oso bestelako moduan hartzen.

Egiozu kaso Kepari, Kristina, eta segi idazten Etnometen. Eta nik esanarekin mindu bazaitut, arren barkatu.

Tomax.
20:18
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »