Hego-ekialdeko haizearen arnasa biguna

“http://tkdonline.free.fr/path=/general/Poomsee/LE20TONNERRE.jpg” irudia ezin da bistaratu, akatsak dituelako.

Egunotako aro egonkorrarenak egin duela ematen du. Izan ere, goizeko amilena -praka zaharren bila dabilena- orduak joan, orduak etorri, ipar haize bilakatuko zaigu ezari-ezarian. Hori dela-eta, bi haizeen talkaren ondorioz, baliteke barrualdetik hasita ekaitzen bat sortzea, baina ez dirudi inondik inora itsasalderaino iristeko asmorik duenik. Hala eta guztiz ere, iragarpen guztien arabera, datozen egunetan, ekaitzak eratzeko joera handiagotuko da eta gehientsuenetan jazoten den moduan, ostirala izan liteke egunik ekaiztsuena. Euskal Herrian zein egunetan jotzen duen gehien ortzia dela-eta, estatistika egin beharrean gaude, ze, gure mitologian hain erroturik egotea Marik bere bikotekidearekin barikuetan bat egiten duenetan ekaitzak sortzen direlako kontua ez daiteke kasualitate hutsa izan. Lepo egingo nuke ostiraletan gertatzen direla erauntsi gehien.

Iruzkinak

Hau esan du Anonimoa erabiltzaileak…
Ostiraletako ekaitzarena aurreko batean esan zuen Andoni Aizpuruk ere telebistan. Pello Zabalak esplikatu beharko digu, zeren eta nondik harrapatu handirik ez baitzaio ikusten. Ez bada kristauek haragia ezin jan izanarekin lotuta dagoela (Jainko potoloa zeruetatik amenazoka dinbirri- danbarra, "jantzazue makailua, bekatoros ahalenok!"). Ala euskaldunon erditsuok-edo musulman izan ginen garai zaharretako oroitzapena dela behar dugu pentsatu? Ekaitza baldin bazen porkojones jai egin behar...

Ez dakit bada ostiraletako ekaitzen kontu horrek horoskopo txepelaren antza handiegia ez ote duen.

Tomax.
18:33
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »