Zozoila hasi da

“http://www.galdakao.net/images/marzo.jpg” irudia ezin da bistaratu, akatsak dituelako.

Hausterre egunean suertatu da urteko hirugarren hilabeteari ekitea. Izendapenak hizpide, Euskara Batuan hizkuntza erromanikoetatiko martxo erabiltzen da gehien. Bizkaierazko marti izenak are zaharragoa ematen du eta badirudi latinetik artez heldu zaigula. Erromatarrek Marte jainkoari gorazarre eginez horrelaxe izendatu omen zuten, soro, bazken eta batik bat gudaren jainkoa. Antzin-antzina erromatarren Martius urteko lehenengo hilabetea omen zen. K.a-ko 153. urtean urteari hasiera emateko ohorea galdu eta hirugarrenera igaro omen zen. Beste bi izenei dagokienez, biek ematen dute nekazaritzari lotuta daudela. Epailak epai-aroarekin bide du harremana, hau da, ebaki edo inausteko garaia. Zozoila dela-eta, Pello Zabalaren Naturaren mintzoa izeneko liburuan baizik ez dut aipamenik aurkitu. Antza denez, martxoaren inguruan sortu ohi dira zozokumeak: “Zozoilla deitzen zaio martxoari. Zozokumeak, marti-zozoarenak hortxe ibiltzen direlako dagoeneko”. Inork erabiltzen du zozoila berba?

Iruzkinak

Hau esan du Anonimoa erabiltzaileak…
eta Zezeila? erabiltzen da, ezta?
15:06
Hau esan du Kepa Diegez erabiltzaileak…
Kaixo!
Nik dakidala eta neure datuen arabera "zezeila" otsaila adierazteko erabiltzen da. Begiratu hilabete horri dagokiona.
15:28
Hau esan du Erramun Gerrikagoitia erabiltzaileak…
Bai, zezeila erabiltzen da -nahiz gehiago erabiltzen da febrerua- eta da ekibalentea kin otsaila. Nik holan ikasi nuen ume nintzela Munitibarren jendearen artean.
21:12
Hau esan du Anonimoa erabiltzaileak…
Aita zenari entzuten nion garaiotan:

"Ama Birjina martxoko:
sorta hosto bizkarrean
eta zozo-kumeak kolkoan".

Tomax.
14:12
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »