Udaberriko tenporak: 3. eguna

“http://www.artelibre.net/RICARDOASENSIO/PAISAJES/5.jpg” irudia ezin da bistaratu, akatsak dituelako.
Zelako gaua! Etengabe bota ahalean eta barra-barra euria egin ez digu, bada! Ordu honetan, goizeko 10.30ak, ur-putzu franko daude non-nahi. Leihotik itsasadarra hondakinez beterik ikusten dut: adarrak, zikinkeria ur arre-arrea... eta kalatxoriak eta antxetak erdi zoratuta norgeturik. Tira, tenpora-eguna da, beraz gakizkion argitaratzeari goizeko 9.00etan Deustuko estazio meteorologikoan jasotako datuak:

09.00etan jasotako datuak honako hauek dituzue:

Haizearen batez besteko abiadura: 18,0 km/h
Norabidea: Ipar-mendebala
Airearen tenperatura: 9,9 ºC
Lurraren tenperatura: 10,7 ºC
Hezetasuna: % 99
Prezipitazioa: 1,3 l
Presioa: 1021,9 mb

16.00etan jasotako datuak honako hauek dituzue:

Haizearen batez besteko abiadura: 2,2 km/h
Norabidea: Ipar-ekialdea
Airearen tenperatura: 8,9 ºC
Lurraren tenperatura: 10,6 ºC
Hezetasuna: % 100
Prezipitazioa: 0,3 l
Presioa: 1024,3 mb

20.00etan jasotako datuak honako hauek dituzue:

Haizearen batez besteko abiadura: 30,6 km/h
Norabidea: Ipar-mendebala
Airearen tenperatura: 12,3 ºC
Lurraren tenperatura: 12,1 ºC
Hezetasuna: % 100
Prezipitazioa: 0,1 l
Presioa: 1023,9 mb

24.00etan jasotako datuak honako hauek dituzue:

Haizearen batez besteko abiadura: 31,0 km/h
Norabidea: Ipar-mendebala
Airearen tenperatura: 12,2 ºC
Lurraren tenperatura: 11,9 ºC
Hezetasuna: % 95
Prezipitazioa: 0,1 l
Presioa: 1025,9 mb

Larunbateko batezbestekoak honako hauek dituzue:

Haizearen batez besteko abiadura: 22,2 km/h
Norabidea: Ipar-mendebala
Airearen tenperatura: 11,0 ºC
Lurraren tenperatura: --
Hezetasuna: % 92
Prezipitazioa: 45 l (guztira)
Presioa: 1022,4 mb

Iruzkinak

Hau esan du Anonimoa erabiltzaileak…
Koarta-tenporen astean gaudenez, dena hartu beharko guhu kontuan, Kepa. Lan oso txukuna egiten ari zara, Deustu aldeko datuak hemen azalduz, egoki eta mainatsu, dena behar dugulako honelakoetan gogoan eta kontuan hartu.
Nik, aste osoari begira nagoela, propio, gogoan daramatzat orain artekoak, eta begien aurrean ditut hurrengo egunei buruz iragarten zaizkigunak. Eta gaur goizean, hala nioen Eyskadi Irratian, "haize festa" izanen dugula aste hau. Eta ez 'festa' bart gaueko haize bortitz traketsak ibiliko direlako haizebegi guztietan barrena (ez zegoen iragarrita bart ibili den sorgin-haize malapartatu hau, bestela 'alerta egoera' gaztigatu behar ziguten...), baizik eta den-denetarik espero direlako haizeak, notizi hain ezberdinak ekartzen dituzten haize mezulariak. Izan ere, lehen egunean (asteazkenean), primerako eguraldi dotorea bota zigun, hegomendebal xume laztan batekin (hemen barrualdean, batipat), ostegun-ostiralak, berriz, mendebal eta ipar-mendebala areago; bart goizean, itsasokoa omen, mapa eta iragarpenak ziotenaz, baina hemen ibili denak, hego-mendebal trakets baldarraren ufadak ekarri ditu, barazar alde horretan zuhaitzak botatzeraino, esan dutenez... baretu da goizalderako, Deustun bildu duzun datuaren arabera; hala espero da aurrerako ere. Baina, bihar ipar ahultxo bat pasako dela dirudi ("ipartxo dultzia", erromantzeak dioenez), eta laister batean, frantzi-iparretik ia igaro gabe, ekialdekoa dator astelehenerako, hego-ekialdekoa ere bai hurrena, tenperatura oso goxoekin... bueno, horrixe deitzen diot nik "haize-festa", udaberriko eguraldien nahasmen eta zurrunbiloa anuntziatuko ligukena: ekarriko ditu tartean oinaztu eta ekaitz modoxo (eta ez hain modoxoetako) bat edo beste...
Segi dena apuntatzen. Biziki eskertzekoa da eta...
pellozabala
13:38
Hau esan du Anonimoa erabiltzaileak…
Txapela kendu beharra dago Pello Zabalaren aurrean. Hau ez da eguraldi edo aro igerle bat: hau eguraldi kritiko bat da. Oinezko kristau korrienteok kolore bizi eta anarkian ipiniak ikusten dizkiogun Zumetaren koadro bati, arte kritikoak hezurra, mamia, azala eta baita ezkutuko izpiritua ere esplikatzen dizkio. Etnometen irakurle gehienok tenpora egun hauetan euriari baboak bezala begira gauden bitartean -urak orkatilatik gora noiz igoko zaizkigun beldurrez- Zabalak poesia eta intentzioak aurkitzen dizkio haizeari. Horra haizeen analisia. Interpretazioa ezagutzeko irrikitan gaude.

Tomax.
00:36
Hau esan du Kepa Diegez erabiltzaileak…
Guztiz bat! Aro ikertzailea baino gehiago, aro-olerkaria dugu Pello! Ea nolako interpretazioa egiten duen.
11:40
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »