Atzo arrastirian Mari Sugaarrekin jostetan

“http://www.euskonews.com/artaretoa/0144zbk/anbotoko.jpg” irudia ezin da bistaratu, akatsak dituelako.

Zenbait astetxo generaman ekaitzik gabe eta atzo arratsaldean ikusgarriak eratu ziren Euskal Herriko bazter ugaritan. Jakina denez, Mari -euskaldunon jainkosa nagusia- Sugaar bere "bikotekide"-arekin jostatzen aritzen denean ikaragarrizko ekaitzak sortarazten dira. Atzokoan, dirudienez, Sugaarrek bisitatxoa egin zion Damari Anboton eta beronek pozaren pozaz eta gonan edo praketan (Zer erabiltzen ote du Marik?) kabitu ezinik ekin zion bertako haitzulotik kanpo ekaitzak jaurtitzeari, ala bion elkartze hutsak sortarazi zuen atzo arrastirikoa? Argi dago Marik ez gaituela zigortzen okerrak garelako, berak sortarazten dituenak bozkarioaren ondorioa besterik ez dira. Herri indoeuroparren jainkoek aldiz, ekaitzen bitartez jendaki xeheak zigortu egiten dituzte txarto portatu direlakoan.

Iruzkinak

Hau esan du Erramun Gerrikagoitia erabiltzaileak…
Izkiriatu duzu, aterarik hori ez dakit nondik, ari zinelarik buruz ekaitzak eta phenomeno atmospheriko naturalak (trumoiak, ekaitzak, euriteak, uholdeak, lehorteak, elurteak, lurbeherak, elurbeheren avalantxa handiak, txingorradak, ... ere akaso seismoak, hurakanak, kataklismoak, ...) ezen Argi dago Marik ez gaituela zigortzen okerrak garelako, berak sortarazten dituenak bozkarioaren ondorioa besterik ez dira.

Ekaitzen eta phenomeno naturalen interpretatione hau gustatzen zait askoz gehiago zeren aurkitzen dut askoz naturalago eta ere trankilago psykhologikoki, gehiago desdramotikoa, gutiago dramatikoa, zeinak askotan dira anitz dramatiko, lar dramatiko.
09:53
Hau esan du Kepa Diegez erabiltzaileak…
Aupa Erramun, bai, beti atsegingarriagoa izaten da herri-interpretazioa, hau da, ikuspegi antropologikoa. Azken batean, horrelakoetan herri baten kosmo-ikuskera islatzen da, nolabaiteko "ideologia". Thorrek herritarrak zigortzeko jaurtitzen ditu tximistak -ikuspegi indoeuroparra- Marik, ostera, ez du hori egiten. Beraz, oso bestelako ikuspuntuak.
12:46
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »