Egun lanberotuko du!

“http://gblx.cache.el-mundo.net/elmundo/imagenes/2005/02/11/1108108738_0.jpg” irudia ezin da bistaratu, akatsak dituelako.

Joandako martxoaren 11n "Lanberatzen ari du" izeneko artikuluxka idatzi nuen berton aroa epeltzen hasia zuela adierazteko. Elurtearen ondoren bazirudien hobera egingo zuela. Gaurkoan, eta atzokoari jarraipena eman nahian, bero saminari loturiko beste aditz interesgarri bat ekarri nahi dut hona: lanberotu. Lanberok "sargori" esan nahi du, antza. Bilbo aldean, dagoeneko eguerdiko 12.30ean 31 gradu ditugu! Noraino helduko ote da? Arratsaldean aurrez ikusitako enbat txikia sortuko ote da? Aipatutako aditza Harrietek biltzen du bere hiztegian.

Iruzkinak

Hau esan du Anonimoa erabiltzaileak…
Bai forma polita. Berriz erabiltzen hastea merezi luke, kirol gaietan adibidez. Pentsa biharko titularra Berria egunkarian, gaur Mendilibarrek egin dituen deklarazioak eta seguruenik ordu gutxi baino lehen izango dituen erantzunak direla eta:
"Lanbero da Athletic eta Realaren artean"

Edo alderantziz ipinita beste hau:
"Aspaldi bukatu zen Athletic eta Realaren arteko lanberatzea".

Tomax.
18:17
Hau esan du Anonimoa erabiltzaileak…
Zorionak, Kepa. Andu Lertxundik gertutik jarraitzen ditu zure lanak. Eta atzo igandeko bere txokoan titularraz gain artikulutxua ere "lanbero" altxorraren inguruan egin ditu.

"Lanbero erreala" titulua eta artikulua irakurri hemen:
http://www.berria.info/iritzia/zutabea_ikusi.php?Saila=IRITZIA&Iturria=BERRIA&Data=2005-07-17&Produktua=BERRIA&Edizioa=00&Orria=007&Kont=015&Sinadura=ANJEL%20LERTXUNDI&Zint=%3Czintiloa%3Ehitz%20beste%3C/zintiloa%3E

Hori bai "comment" azkarra... eta polita.

Tomax.
12:11
Hau esan du Kepa Diegez erabiltzaileak…
Bai, atzo gauean etxera heldu eta BERRIA irakurtzen hasi nintzenean, neure artean penstatu nuen: "joño, uste joat Anjel Lertxundik nire bloga irakurri duela". Mila esker zure iruzkinengatik.
15:31
Hau esan du Anonimoa erabiltzaileak…
Gaurko bere artikulutxoan -Berrian- Lertxundik dio kointzidentzia hutsa izan zela hemengo "Lanbero" eta bere "Lanbero"ren artekoa. Sinesten diogu. Baina gertatzen da bigarren kointzidentzia ere bazela, Tomaxek Lanbero eta Realarekin egin zuelako titular jolastia eta Lertxundik bereari "Lanbero erreala" ipini. Gero esango dute telepatiarena iruzurra dela...

Tomax.
14:19
Hau esan du Kepa Diegez erabiltzaileak…
Kanpoan naiz eta gaur arte ezin irakurri izan dut. Tira, gora etno-kointzidentziak! Hiztegia zabaltzeko balio badute... ongi etorri!
11:16
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »