Zarrazoia

“http://www.stopdesign.com/log/img/200307/fog.jpg” irudia ezin da bistaratu, akatsak dituelako.

Gaur goizean goiz jaiki, leihotik so egin eta mendi eta zokoetan lainoa ikusi dut, bata itsatsita, bestea narras, beste bazter batzuk behelainoak hartu ditu. Askotariko lainoak bide ditugu, oso desberdina omen da kanpotik sumatzen den lainoa edo lainoaren barruan egonez gero, edukitzen den sentipena. Euskal Herriko herri gehientsuenek izendapen bereziak dauzkate, itsasalde zein barrualdekoek. Ez da inondik inora arrotza lainoa. Hori dela-eta, Bizkai aldean erabiltzen den izendapen bat ekarri nahi dut hona: zarrazoia. Irakur dezagun zer dioen jendeak:

1. “Geldi geldi lotxen dana sarrasoi da" Iñaki Gaminde, Gatika Euskaraz.
2. "Ba talako dekot nik, sarrasoi ta laño" Iñaki Gaminde, Leioa Berbarik Berba.
3. "Lañoa be beyen dauenien ba, sarrasoye itzela eoten da". Arrieta, Berbarik Berba. Iñaki Gaminde.
4. "Guk esaten du, sarratu daunen, asko daunen "ene seláko sarrasói dau!", bere esaten dako embata, esta eser ikusten. Embata da baxuau dauenen." B-Lemoiz.

Zuek noiz erabiltzen duzue "zarrazoia"?

Iruzkinak

Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »