Euria bota ahalean

Atzo Euskal Herriko bazter askotan egun guztian euria bota ahalean jarduen zuen. Hori adierazteko hainbat lokuzio erabiltzen bide dira. Hona hemen batzuk gauza bera adierazteko:

Egin ahalean ari.
Euri etxa ahala.
Euria lodi egin.
Euria zarra-zarra.
Euria gogotik ari.
Adarka euria izan.
Euria barra-barra.
Erauntsiaka ari.
Euria garratz
.....
Zuek, lagunok, nola esaten duzue?

Iruzkinak

Hau esan du Anonimoa erabiltzaileak…
Gatxa da esaten baina iruditzen jata beharbada ez dela gauza bera "euria zarra-zarra" egitea eta "euria gogor ari". Ez dakit, etno-meteorologiaren aldetik, zelan aztertu beharko litzatekeeen, baina kontu handiz ibiliko nintzateke bi formak elkarren ondoan ipintzeko.
19:03
Hau esan du Kepa Diegez erabiltzaileak…
"Euria gogor ari" ez dago zerrendan, bai ostera "euria gogotik". Zerrenda askoz luzeagoa da eta horiek adibide batzuk baino ez dira. Ados nago zurekin, batzuetan zaku berean sartzen dira eta ez dira gauza bera. Horretarako sortu dugu weblog hau. Zertan ikusten duzu desberdintasuna? Iraupenean? Euria egiteko moduan? Kantitatean?...?
20:32
Hau esan du Anonimoa erabiltzaileak…
euria barra-barra ari da, holaxe esaten degu donostialdian
12:00
Hau esan du Anonimoa erabiltzaileak…
euria atergabe
euria goian behean
00:02
Argitaratu iruzkina

Blog honetako argitalpen ezagunak

Eta enzun nezan boz bat zerutik ur handien hotsa bezala, eta igorziri handi baten hotsa bezala:

Irudia
eta enzun nezan bere gitarrak ioiten zituzten gitarrarien soinu ba t: Badakizue norena den testutxo hori, ezta? Bai, XVI. mendeko "Euskara Batua", Leizarragarena. Igorziri (ihurtziri, justuri...) hitza berari ikasi genion aspaldixe. Kontua da, beraren sorterrian, Beskoizen, datorren larunbatean, hilak 28, omenaldia egingo zaiola. Kristinak, blog honetako irakurle finak eta Atturi aldeko euskara ikertzen dabilenak eman digu haren berri. "Leizarraga egun" izeneko omenaldia antolatu dute. Hauxe duzue Kristinari Henri Duhauk "igortziritako" programa: - 15.00 Ongi etorria (herriko jantegian). - Henrike Knörr: Leizarraga-Lazarraga. - Urbistondo anderea: protestantismoa Euskal Herrian. - Piarres Charritton : XVI. mendea. Beraz, nehork inguratzerik baleuka, badaki zer izango duen.
Gehiago irakurri »

...ari du...

Irudia
Elsie Russell. "Dance dans le vent" Ortzian jazotzen diren gertakizunen berri emateko euskarak galdu behar ez genukeen aditz jator bat erabiltzen du euskalki guztietan, bizkaieraz izan ezik: ari du . Euskalkien arabera baditu zenbait aldaera: "ai do", "ai dü"... Badirudi ari du ren gainean badugula izaki bat edo natura bera ostagiak gobernatzen dituena. Adibidez, honako esapide ezinago eder hauek jaso ditugu: Mardul ari du. (Euria). Mujika Josefa Martina . Neronek or-emen entzunak. Lodi ari du: ebi (euri) zarra da .... Oñatibia Manuel . Bible Saindua. (Duvoisin). 1859. Ebiya bizitzen ari du .... Mujika Josefa Martina . Neronek or-emen entzunak. Gexala ari du ... Ebi maxkala . (Ebi indar gutxikoa). Mujika Josefa Martina . Neronek or-emen entzunak. Euri txe au da okerrena... Ezerez bezela ari du , ta sartzen da gorputzean zañetaraño.... Soroa Marcelino . EUSKAL ERRIA (revista), 1881. Aunitz ari du euria . Altzo...
Gehiago irakurri »

Haizea ez da indartsua, gogorra eta zakarra, bai

Irudia
            Hemendik hartua           Kirk urakan ohiaren erasana dela-eta, han-hemenka, haizeari buruzko iruzkin ezegokiak irakurri eta entzuten dira.  Euskaldunen adimen-begiak era askotara adierazten du haizearen intentsitatea: adjektiboak erabiltzen ditu; aditzak errepikatzen ditu; graduatzaileez baliatzen da. Haize indartsua ez da tradiziozkoa. Horren ordez, adjektibo hauek erabiltzea egokiagoa da:     Haize bortitza     Haize petrala     Haize sastarra      Haize traketsa     Haize zakarra     Haize zitala     Haize zorrotza     ...          Edo-ta     Azkarki dabil     Bizi antzean joko du     Gogor joko du     Indartsu joko du      Baina, egundo ere ez *Haizea egiten du; beti ibili eta jo .       
Gehiago irakurri »